2008-ci ilin oktyabr ayında keçiriləcək prezident seçkiləri ilə bağlı təbliğat tədbirlərinə start verilib. Bununla bağlı Bakıda, eləcə də müxtəlif rayonlarda, hətta soydaşlarımızın sıx yaşadığı ölkələrdə təntənəli konsert proqramlarının keçirilməsi nəzərdə tutulur.
   
   Prezident seçkiləri ilə bağlı ilk təbliğat tədbiri və konserti Ukraynanın paytaxtı Kiyev şəhərində keçiriləcək. Bu münasibətlə respublikanın xalq artisti, "Şöhrət" ordenli İlhamə xanım fevralın 11-də Ukraynaya yola düşüb. Təbliğat tədbirlərində iştirak edən meqastar fevralın 12-də Ukraynada böyük konsert proqramı ilə çıxış edəcək. Bundan əlavə, sənətkarın Ukraynada Azərbaycan diasporaları ilə görüşü olacaq. Səfərdən qayıtdıqdan sonra isə Xalq artisti Dünya Azərbaycanlıları Konqresinin (DAK) növbəti tədbirində iştirak etmək üçün İsveçə yola düşəcək. Xatırladaq ki, İlhamə xanım sözügedən tədbirə Dünya Azərbaycanlıları Konqresinin Mədəniyyət və İncəsənət Akademiyasının prezidenti kimi qatılacaq.