Yaxın günlərdə Qafqaz Universitetində tədbir keçiriləcək. Universitetin "Turan" klubunun təşkil etdiyi tədbir türk dünyasının mədəniyyəti, tarixi həqiqətlərinin təbliği üçün atılan addımdı.
   
   Bu barədə "OLAYLAR"a məlumat verən təşkilatın nümayəndəsi Almaz Həsənli tədbirin məqsədinin Azərbaycan gəncliyinin vətənpərvərlik ruhunu daha da yüksəltmək və Azərbaycan tarixini, dəyərlərini universitetdəki əcnəbi tələbələrə tanıtmaq olduğunu deyib. "Yol ver, türkün bayrağına" adlı tədbirə Gənclər və İdman Nazirliyi ilə Dünya Azərbaycanlıları Konqresi dəstək çıxıb. Tədbirdə müğənni Azərin, Şəmistan Əlizamanlı və başqaları çıxış edəcəklər.