"Qazprom" qazın
qiymətini 40 faiz artırıb
Aprelin 1-dən Ermənistana qazın hər min kubmetri 154 dollara satılacaq
Rusiyanın "Qazprom" şirkəti gələn il aprelin 1-dən Ermənistana nəql edilən mavi yanacağın qiymətinin 40 faiz bahalaşması haqqında qərar qəbul edib.
APA-nın məlumatına görə, RAO "ArmRosQazprom" şirkətinin baş direktoru Karen Karapetyan bildirib ki, aprelin 1-dən Ermənistana qazın hər min kubmetri 154 dollara satılacaq. Hazırda bu qiymət 110 dollar təşkil edir. "Qazprom" həmçinin 2010-cu ilin aprelindən başlayaraq Ermənistana qazın hər min kubmetrini 200 dollara satmaq barədə qərar qəbul edib. 2011-ci ildən başlayaraq isə Ermənistan Rusiyadan mavi yanacağı Avropa qiymətləri ilə nəql edəcək.