Prezidentliyə namizədin iddiası təmin edilməyib
Qüdrət Həsənquliyev
kassasiya şikayəti verəcək
Dünən Bakı Apelyasiya Məhkəməsində hakim İsmayıl Vəliyevitn sədrliyi ilə prezidentliyə namizəd, Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin Mərkəzi Seçki Komissiyasına (MSK) qarşı qaldırdığı iddia əsasında növbəti proses keçirilib.
Məlumat üçün bildirək ki, MSK-nın qərarına əsasən bu prezident seçkilərində Q.Həsənquliyev dövlət büdcəsindən namizədlər üçün ayrılan vəsaitdən yararlana bilməyəcək. Səbəb kimi isə onun ötən prezident seçkilərində 3 faizlik səs baryerini keçə bilməməsi və təbliğat üçün dövlətdən aldığı pulu qaytarmaması göstərilib.
Q.Həsənquliyevin seçki qərargahının rəhbəri Elçin Mirzəbəylinin "Şərq"ə verdiyi məlumata görə, dünən keçirilən iclasda prezidentliyə namizədliyin iddiası təmin edilməyib. E.Mirzəbəyli məhkəmənin qərarından kassasiya şikayəti verəcəklərini bildirdi.
Firdovsi