İranın Rəfsəncan-Kirman magistral yolunda əsgərləri daşıyan avtobus aşıb.
   
    Hadisə nəticəsində 2 nəfər ölüb, 19 nəfər yaralanıb.
   
   Bu barədə İran televiziyasının rəsmi xəbər saytı İRİBNEWS məlumat yayıb.
   
   Məlumata əsasən, hadisə sürücünün yuxulu olması və nəqliyyat vasitəsini idarə edə bilməməsi səbəbindən baş verib.
   
   Yaralılar Kirman şəhər xəstəxanasına çatdırılıb. Avtobus Kərəc şəhərindən Kirman əyalətinə əsgər aparırmış.