Sentyabrın 5-də Avropa ittifaqının Cənubi Qafqaz üzrə xüsusi nümayəndəsi Piter Semnebi Azərbaycana səfərə gələcək.
   
   Bu barədə APA-ya Avropa İttifaqının Azərbaycandakı nümayəndəliyinin mətbuat xidmətindən məlumat verilib. Piter Semnebi Azərbaycan hakimiyyəti ilə məsləhətləşmələr aparacaq, Dağlıq Qarabağın azərbaycanlı icmasının nümayəndələri, siyasi partiyalar və vətəndaş cəmiyyətinin təmsilçiləri ilə görüşlər keçirəcək. Səfərin əsas aspektlərindən biri parlament seçkiləri ərəfəsində vəziyyətin öyrənilməsidir. Səfər sentyabrın 7-də başa çatacaq.