Rusiyanın Mərkəzi seçki Komissiyası prezidentliyə namizədlərin əmlaklarını açıqlayıb.
   
   "Namizədlərdən ikisinin - Gennadi Züqanov və milyarder Mixail proxorovun adına heç bir avtomobil yoxdur. Züqanov xanımının da avtomobili yoxdur. Adı fahişə qalmaqalında hallanan 46 yaşlı Proxorov isə qalib gələrsə evlənəcək.
   
   Hazırki baş nazir Vladimir Putinin isə bir neçə avtomobili var. Təbii ki, bunlardan ən məşhuru, Moskvaya səfərə gələn bir çox prezidenti gəzdirmiş "GAZ M21"dir (1960-cı il istehsalı). Bundan başqa cənab Putinin qarajında 1 ədəd "GAZ M21R" (1965), bir ədəd "Lada 21214" (Niva, 2009) və "Skif" qoşqusu var. Putinin tələbəlik illərində sürüdüyü "Zaporojes" isə çoxdan satılıb. Onun ötən yayda Xabarovskda sürdüyü sarı "Lada Kalina" da öz mülkiyyəti deyil.
   
   Putinin xanımının adına avtomobili yoxdur. Baş nazir son 4 ildə 17 milyon rubl, xanımı isə 146 000 rubl qazanıb. Başqa sözlə, Putinin xanımı gəlirlərinə görə Züqanov və Mironovun arvadlarından geri qalır.
   
   

ABŞ Milli Aeronavtika Agentliyinin (NASA) "Kepler" orbital teleskopu vasitəsilə aparılmış müşahidələr nəticəsində 26 planetə "ev sahibliyi" edən 11 yeni səma cismi aşkarlanıb.
   
   "Reuters" bildirir ki, yeni planetlər, ətrafında fırlaqdıqları səma cisimlərinə çox yaxın orbitdə hərəkət edir. Onların ən kiçiyi 1,5 Yupiter boydadır. "Kepler" proqramının rəhbəri Dak Hadcinsin dediyinə görə, bu planetlərin yanındakı 15 kiçik planetin ölüçləri Yer və Neptun arasındakı həcmdədir. Həmin planetlərdə atmosferin olub-olmadığı hələ müəyyən edilməyib.
   
   
   
   

Sülh üzrə Nobel mükafatı laureatı Şirin İbadi jurnalistlərə açıqlamasında İranda parlament seçkisinin boykot olunmasını, 11 aya yaxındır ev dustaqlığında saxlanan müxalifət liderləri Mirhüseyn Musəvi və Mehdi Kərrubinin azadlığa buraxılmasını tələb edib.
   
   "Media forum" saytının məlumatına görə, Şirin İbadi İran xalqını parlament seçkisinə qatılmamağa çağırıb: "Mən İran xalqından istəyirəm ki, bu ilin mart ayında keçiriləcək saxta parlament seçkisini boykot etməklə İran İslam Respublikası rejiminin legitim olmadığını bir daha dünya ictimaiyyətinə nümayiş etdirsinlər. Mən həmçinin dünyanın bütün azadlıqsevər insanlarından xahiş edirəm ki, İranda əqidə və siyasi düşüncəsinə görə həbsdə saxlanan bütün siyasi məhbusların, eləcə də Mirhüseyn Musəvi, xanımı Zəhra Rəhnəvərd və Mehdi Kərrubinin azadlığa buraxılması üçün əllərindən gələni əsirgəməsinlər".

Dünən Dağıstanın Kizlyarsk rayonunda silahlı qrup aşkarlanıb.
   
   Rusiya mediasının məlumatına görə, silahlı qrupla döyüşdə Rusiya Daxili Qoşunlarının 3 hərbçisi həlak olub, 2 hərbçisi yaralanıb. Hadisənin təfərrüatları barədə məlumat verilmir.
   
   

Bununla da son bir ayda Suriyada oğurlanan iranlıların sayı 18 nəfərə çatıb.
   
    2011-ci il dekabrın 21-də Suriya prezidenti Bəşər Əsədə müxalif naməlum silahlı şəxslər Həməs şəhərində 5 iranlını tutub bilinməz istiqamətə aparıblar. İranın Suriyadakı səfirliyi oğurlananların kimliyi haqqında açıqlama verməsə də, onların mühəndis olduğunu və Homs şəhərindəki bir elektrik stansiyasında işlədiyini bildirib. Dekabrın 25-də Suriyada daha 2 iranlı oğurlanaraq bilinməz istiqamətə aparılıb. "Media forum" saytının məlumatına görə, yanvarın 26-da naməlim silahlı şəxslər Hələb-Dəməşq istiqamətində hərəkətdə olan iranlıların avtobusunu saxlayaraq 11 nəfər İran vətəndaşını oğurlayıblar. İran vətəndaşlarını tutub aparan şəxslərin kimliyi bilinmir. İran həmin şəxslərin zəvvar olduğunu açıqlayıb. Bəşər Əsəd hökumətinə qarşı mübarizə aparanlar İran İnqilab Keşikçiləri Korpusunun ("Sepah") xarici əməliyyatlar üçün nəzərdə tutulan "Qüds" qanadının qüvvələrini Suriyada müxalifəti əzmək üçün hökumətə yardım göstərməkdə günahlandırır.

Türkiyənin əhalisi 2011-ci ildə 1 milyon 281 nəfər artaraq 74 milyon 269 nəfərə çatıb.
   
   Türkiyənin NTV telekanalının məlumatına görə, bu, Türkiyə Statistika Komitəsinin açıqladığı hesabatda qeyd olunub. Türkiyədə əhalinin 50,2 faizini (37 milyon 532 min 954) kişilər, 49,8 faizini (37 milyon 191 min 315) isə qadınlar təşkil edir. Ölkə əhalisinin 18,2 faizi, yəni 13 milyon 624 min nəfəri İstanbulda yaşayır.

Rusiya hakimiyyəti müxalifət lideri Qiriqori Yavlinskinin prezidentliyə namizədliyini qeydiyyata almayıb.
   
   Yavlinski Yabloko partiyasının liderlərindən biri və prezidentlik uğrunda mübarizə aparacaq baş nazir Vladimir Putinin əsas tənqidçilərindən biridir. Mərkəzi Seçki Komissiyası Yavlinskinin topladığı imzaların təxminən 1/4-nin saxta olduğunu deyir. Yavlinski hələ həftənin əvvəllrində belə bir qərarın gözlənilən olduğunu demişdi. İndiyədək prezidentliyə 5 nəfərin- baş nazir Vladimir Putin, Kommunist partiyasının lideri Gennadi Qüqanov, Liberal -Demokrat partiyasının lideri Vladimir Æirinovski, Ədalətli Rusiya partiyasının lideri Sergey Mironov və milyardçı, müstəqil namizəd Mixail Proxrovdur. Rusiyada prezident seçkisi martın 4-də keçiriləcək. Proxrovla Züqanov Yavlinskinin hüquqlarının müdafiəsinə qoşulublar.
   
   

Özünü "İsrailin Müdafiə Qüvvələri" adlandıran hakerlər bu addımlarının İsrail qəzetləri və hospitallarının saytlarına olan hücuma cavab olduğunu bildiriblər. Dünən səhər isə israilli hakerlər İranın Səhiyyə Nazirliyi və "Press TV" telekanalının saytlarına hücum ediblər.
   
   

Ötən gün İsveçrənin Davos şəhərində keçirilən Ümumdünya İqtisadi Forumunda Microsoft şirkətinin rəhbəri Bill Geyts BMT-yə çətin günlərdə maliyyə dəstəyi göstərəcəyinə söz verib.
   
   Dünya şöhrətli milyarder və xeyriyyəçi BMT-nin QİÇS/HİV əleyhinə fonduna 750 milyon dollar ianə verəcəyini bildirib. Çıxışı zamanı Geyts hökumətləri fonda dəstək olmaqla insanların həyatlarını xilas etməyə çağırıb. "İqtisadi nöqteyi nəzərdən çox çətin günlər yaşamağımıza baxmayaraq, bu, dünyanın ən kasıb ölkələrinə yardımın azaldılması üçün bəhanə olmamalıdır. Dünya fondu pulları yatırmaq üçün ən yaxşı yollardan biridir", - deyə B. Geyts bildirib.
   
   
   
   

Ermənistan prezidenti Serj Sarkisyanın qardaşı Levon Sarkisyanın adı kriminal qalmaqalda hallanıb. Levon Sarkisyan diasporaya məxsus 5 milyon dollar vəsaiti mənimsəyib.
   
   Qəzetin məlumatına görə, bu insidentlə əlaqədar olaraq Levon Sarkisyanla qardaşı Serj Sarkisyan arasında xoşagəlməz dialoq yaşanıb. Serj Sarkisyan qardaşına Ermənisanda prezident seçkiləri ərəfəsində kriminal qalmaqal yaratmasını bağışlaya bilməyib. Serj Sarkisyan qardaşına tezliklə adını təmizə çıxarmağı məsləhət görüb.
   
   

Birləşmiş Millətlər Təşkilatının (BMT) Nyu-Yorkdakı mənzil-qərargahına gələn baratların arasından içində 16 kiloqram kokain olan 2 kiçik kisə çıxıb.
   
   Milli.Az "The Haffington Post"a istinadən bildirir ki, üzərilərinə BMT emblemlərinə bənzəyən loqotiplərin vurulduğu kisələrin Meksikadan göndərildiyi dəqiqləşdirilib. Kisədə kitablar olub. Amma həmin kitabların içindəki səhifələr ovulub və hər kitaba 1 kiloqram kokain qoyulub. Kisələr Ohayo ştatındakı bir poçta göndərilibmiş. Lakin poçt əməkdaşları kisələrin üzərində heç bir ünvan olmadığını və yalnız BMT loqotipini görərək baratı Nyu-Yorka göndəriblər. Polis zabiti Pol Braunun dediyinə görə, bu narkotik Meksikada qalmalıydı və səhvən ABŞ-a göndərilib. BMT-nin binasında tapılmış kokainin "qara bazar"dakı qiyməti minimum 2 milyon dollardır.

İrana Suriyadan iki bəd xəbər gəlib. "Əl-Ərəbiyə" telekanalı xəbər verir ki, dünən müxaliflərin yaratdığı Suriya Azadlıq Ordusu keçən ay Hama şəhərində girov götürülən 7 iranlı ilə bağlı video yayıb.
   
   Suriya Azadlıq Ordusu 7 iranlıdan 5-nin İran İslam İnqilabını Mühafizə Korpusunun üzvləri, 2-nin mühəndis olduğunu bəyan edib. "Əl-Ərəbiyə" telekanalında yayımlanan videogörüntüdə iranlılardan biri deyir ki, adı Sacid Amiriyandır, İran İslam İnqilabını Mühafizə Korpusunun üzvüdür. O, Suriyada İrandan göndərilən qrupda çalışdığını, əmrləri Suriya Hərbi Hava Qüvvələrinin təhlükəsizlik xidmətindən aldıqlarını söyləyib. Həmin şəxs İranın dini lideri Ayətullah Əli Xamneyidən azadlığa buraxılmaları və evlərinə dönmələrinin təmin edilməsini xahiş edib.

Səudiyyə Ərəbistanında qadınların avtomobil sürmələrinə qoyulmuş yasağa meydan oxuyan Manal əl Şərif avtomobil qəzasında dünyasını dəyişib.
   
   Milli.Az "Əl Ərəbiyyə"yə istinadən bildirir ki, ötən ay qadınların avtomobil sürmələrinə qoyulmuş qadağaya rəğmən, sükan arxasında oturduğuna görə tutularaq 10 gün həbsdə yatmış əl Şərif ölkənin şimalındakı Hael vilayətində qəza törədib.
   
   Qəzada Əl Şərif həlak olub, onun yanındakı qadın isə ağır yaralanıb. Əl Şərif ölkədə qadınların avtomobil idarə etmələrinin yasaqlanmasına etiraz edərək Facebook-da qrup yaratmışdı.
   
   

İran-Pakistan sərhədini keçmək istəyən 6 pakistanlı iranlı sərhədçilər tərəfindən qətlə yetirilib. Daha iki pakistanlı atışma zamanı yaralanıb. Bu barədə Pakistan rəsmiləri məlumat veriblər.
   
   APA-nın İnterfaks-a istinadən verdiyi məlumata görə, hazırda Pakistan rəsmiləri İran hökuməti ilə əlaqə yaradaraq qətlə yetirilən şəxslərin cəsədlərini, həmçinin iki nəfər yaralını qaytarmaq üçün danışıqlar aparırlar.
   
   

Liviyada gərginlik artır. "Trtazerbaycan.com" saytının məlumatına görə, Müəmmər Qəddafi tərəfdarlarının Ben-Valid şəhərində başlayan üsyanını yatırmaq üçün Milli Keçid Şurasına bağlı hərbi birlikləri yola çıxıb.
   
   Paytaxt Tripolinin cənub-qərbində yerləşən Ben-Validəə giriş-çıxışların Milli Keçid Şurasına bağlı birliklər tərəfindən bağlandığı, Tripoli, Misrata və digər şəhərlərdən dəstək qüvvələrinin gəlmək üzrə olduğu bildirilir.
   
   Son bir həftədə Ben-Validdə Milli Keçid Şurasının əsgərləri ilə müxaliflər arasındakı toqquşmalarda 7 nəfər ölüb, 35 nəfər yaralanıb.
   
   

Seneqalın 85 yaşlı prezidenti Abdulay Vad bundan sonra da iki dəfə dalbadal 7 il müddətinə prezident səlahiyyətlərini icra etməyə hazır olduğunu bəyan edib.
   
   Abdulay Vad bunun Seneqal Konstitusiyasına zidd olmadığını söyləyib. Lakin Seneqal müxalifəti yaşlı siyasətçinin üçüncü dəfə də prezident seçkilərinə qatılmasına qarşı çıxır. Lakin Abdulay Vad bu ilin fevralında keçiriləcək prezident seçkilərində iştirak etmək üçün özünü tam sağlam və fiziki cəhətdən hazır sayır.
   
   

ABŞ-da iranlı alim həbs olunub. APA-nın məlumatına görə, Tehran Texnologiya Universitetinin dosenti, mikroçiplər üzrə ekspert, 54 yaşlı Seyid Müctəba Ətarodi elmi məqsədlər üçün istifadə olunan avadanlığı qeyri-qanuni yolla ABŞ-dan çıxarmağa çalışmaqla ölkənin ixracat qanunlarını pozmaqda ittiham edilir. Məlumatı İranın ABŞ-dakı maraqlarını təmsil edən Pakistan səfirliyi də təsdiqləyib. Hazırda iranlı alim ABŞ-ın San-Fransisko şəhərindəki həbsxanalardan birində saxlanılır.
   
   

Dünən İtaliyanın şimalında 5.6 bal gücündə zəlzələ baş verib. "RİA Novosti"nin məlumatına görə, bu barədə ölkənin Milli Geofizika və Vulkanologiya İnstitutu məlumat yayıb.
   
   Güclü təkanlar bir neçə dəqiqə davam edib. Bu təkanlar ölkənin Appenin yarımadasının şimal hissəsinin bir çox yerlərində, xüsusilə də Milan və Genuya şəhərlərində hiss olunub. Ekspertlərin fikrincə, zəlzələnin episentri Parma şəhərinin Emiliya-Romanya vilayətində yerləşib. Xəsarət alanlar və dağıntılar haqqında məlumat verilmir.