2017-01-11 17:59:31   |   262 dəfə oxunub

Milli komandamız qələbə qazana bilməyib


FİFA-nın birinci vitse-prezidenti Valentin Qranatkinin xatirəsinə həsr olunan XXIX beynəlxalq turnirdə II turun oyunları keçirilib. Apasport.az saytının məlumatına görə, yarışda iştirak edən 19 yaşadək futbolçulardan ibarət Azərbaycan millisi 2-ci sınağına çıxıb.

Komandamızın Rusiyanın Sankt-Peterburq şəhərində təşkil olunan ənənəvi beynəlxalq yarışdakı rəqibi Qazaxıstan olub. İlk turda "basketbol ölkəsi” olan Litvaya 1:2 hesabı ilə uduzan Təbriz Həsənovun yetirmələri 1-8-ci yerlər uğrunda mübarizəni davam etdirmək üçün mütləq xal əldə etməli idi.

Qarşılaşmada hesabı Qazaxıstan açsa da, fasilə ərəfəsində Rafael Məhərrəmli bərabərlik qolunu vurub. İkinci hissənin əvvəlində rəqib yenidən önə keçib. Buna baxmayaraq, sona 8 dəqiqə qalmış bu dəfə Fərid Nəbiyev səhnəyə çıxıb və yığmamıza 1 xalı qazandıran qola imza atıb - 2:2.

FİFA-nın birinci vitse-prezidenti Valentin Qranatkinin xatirəsinə həsr olunan XXIX beynəlxalq turnir
II tur, C qrupu

Qazaxıstan – Azərbaycan - 2:2






SON XƏBƏRLƏR

2017-12-14
2017-12-13