2018-09-10 12:09:17   |   162 dəfə oxunub

Azərbaycan Gürcüstanın ən iri investoru olaraq qalır



Bu ilin I yarısında Azərbaycan Gürcüstan iqtisadiyyatına 136,5 mln. dollar həcmində investisiya qoyub.

"Report”un yerli bürosunun xəbərinə görə, bu barədə Gürcüstanın Milli Statistika Xidmətinin ilkin hesabatında qeyd olunub.

Hesabata əsasən, bu ilin I rübündə Azərbaycan qonşu ölkəyə 56 mln. dollar, II rübündə isə 80,5 mln. dollar investisiya qoyub. Bu göstərici ilə bu ilin I yarısında Azərbaycan Gürcüstanın ən iri investoru olub.

Gürcüstana ən çox investisiya yatırmış ölkələrin ilk üçlüyündə Azərbaycandan sonra Çexiya (77,9 mln. dollar) və Niderland (97,8 mln. dollar) yer alıb.

Qonşu ölkənin iqtisadiyyatına bu ilin I yarısında yatırılmış birbaşa xarici investisiyaların ümumi həcmi 676,2 mln. dollar təşkil edib. İnvestisiyaların böyük hissəsi energetika (117,7 mln. dollar), nəqliyyat və rabitə (87,2 mln. dollar) və maliyyə (174,9 mln. dollar) sektorlarına qoyulub.






SON XƏBƏRLƏR

2018-11-20