2018-09-24 22:53:16   |   181 dəfə oxunub

Əsəd təcili Putinə zəng etdi, vacib qərar qəbul edildi

Telefon danışığı Suriya tərəfinin təşəbbüsü ilə baş tutub



Rusiya prezidenti Vladimir Putinlə suriyalı həmkarı Bəşər Əsəd arasında telefon danışığı baş tutub. Bu barədə Sputnik Azərbaycan Kremlin rəsmi saytına istinadən xəbər verir. Məlumata əsasən telefon danışığı Suriya tərəfinin təşəbbüsü ilə baş tutub.

"Prezident Putin Suriyadakı Rusiya hərbçilərinin təhlükəsizliyinin təmin olunması üçün bir sıra əlavə tədbirlərinin reallaşdırılması və Suriyanın hava hücumundan müdafiə sisteminin möhkəmləndirilməsi ilə bağlı qərar barədə məlumatlandırıb" – deyə bəyanatda bildirilir.

Qeyd edək ki, daha əvvəl Rusiya müdafiə naziri Sergey Şoyqu bildirib ki, onun ölkəsi iki həftə ərzində Suriyaya "S-300" raket əleyhinə kompleksləri təqdim edəcək.

"Bu komplekslər 250 kilometrdən artıq məsafədə olan hava hücum vasitəsini tutmağa və eyni zamanda bir neçə hava hədəfini vurmaq qabiliyyətinə malikdir" – deyə Şoyqu vurğulayıb.
Rusiya müdafiə nazirinin sözlərinə görə, "S-300" Suriya Hava Hücumundan Müdafiə qüvvələrinin imkanlarını artıracaq.
Şoyqu xatırladıb ki, Rusiya 2013-cü ildə Dəməşqə S-300 komplekslərinin çatdırılmasını dayandırmışdı, lakin vəziyyət artıq dəyişib və bu Moskvanın günahı üzündən baş verməyib.

Qeyd edək ki, Suriyanın Xmeymim əyalətində yerləşən Rusiya hərbi bazasının komandanlığı sentyabrın 18-i 00:00 radələrində Hava-Kosmik Qüvvələrinin "İl-20" təyyarəsi ilə əlaqəni itirib. Ekipajla əlaqə Aralıq dənizində, Suriya sahillərindən 35 kilometr aralıda itib.
Rusiya Müdafiə Nazirliyi qeyd edib ki, "İl-20" təyyarəsi İsrailə məxsus 4 ədəd "F-16" qırıcısının Suriyanın Latakiya bölgəsində uçuşlar həyata keçirdiyi zaman yoxa çıxıb.
Rəsmi Moskva hadisənin İsrailin məsuliyyətsiz davranışı və təhlükəli vəziyyət yaratması ucbatından baş verdiyini bəyan edir. İsrail tərəfi isə təyyarənin Suriyaya məxsus raket tərəfindən vurulduğunu iddia edir. Hadisə Moskva ilə Təl-Əviv arasında diplomatik gərginlik yaradıb.
Rusiya həmçinin, İsrailə cavab vermə hüququnu özündə saxladığını bildirmişdi.







SON XƏBƏRLƏR

2018-12-15