2018-10-11 14:52:12   |   111 dəfə oxunub

Ermənistan Dağlıq Qarabağ münaqişəsi üzrə danışıqlar prosesini dəyişmək niyyətində deyil



Münaqişələrin sülh yolu ilə nizamlanması üçün səyləri artırmaq lazımdır.

Trend-in məlumatına görə, bunu Yerevanda Beynəlxalq Frankofoniya Təşkilatının 17-ci sammitinin açılışı zamanı Ermənistanın Baş naziri Nikol Paşinyan deyib.

N.Paşinyan bildirib ki, bu həmçinin Dağlıq Qarabağ münaqişəsinə aiddir.

Ermənistanın baş naziri daha əvvəl qaldırdığı "Dağlıq Qarabağ nümayəndələrinin” danışıqlar prosesində iştirakı mövzusuna bir daha toxunub.

Maraqlıdır ki, çıxışı zamanı N.Paşinyan işğal olunmuş regionun adını Dağlıq Qarabağ kimi 7 dəfə çəksə də, separatçıların istifadə etdiyi "Artsax” sözünü işlətməyib.

Hətta baş nazir "France 24” telekanalına müsahibəsində bəyan edib ki, Ermənistan Dağlıq Qarabağ münaqişəsi üzrə danışıqlar prosesinin dəyişdirilməsi məsələsini qaldırmayıb və qaldırmayacaq:

"Danışıqlar prosesi ATƏT-in Minsk qrupunun həmsədrliyi formatında davam etdirilməlidir”.






SON XƏBƏRLƏR

2018-10-20