2018-11-21 23:51:03   |   439 dəfə oxunub

Azərbaycan və Rusiya Xəzərin hüquqi statusunu müzakirə ediblər


Azərbaycan Prezidenti Administrasiyasının rəhbəri Ramiz Mehdiyev Moskvada Rusiya Federasiyası Təhlükəsizlik Şurasının katibi Nikolay Patruşevlə Xəzər dənizinin hüquqi statusunu müzakirə edib.

Trend-in məlumatına görə, bu barədə TŞ-nin mətbuat xidməti məlumat yayıb.

Məlumatda deyilir: "Azərbaycan Prezidenti Administrasiyasının rəhbəri Ramiz Mehdiyevlə Rusiya və Azərbaycanın müxtəlif nazirlik və idarələrin qarşılıqlı fəaliyyət perspektivləri, terrorizmə qarşı mübarizə məsələləri, həmçinin Xəzər dənizinin hüquqi statusu məsələsi müzakirə olunub".

Xatırladaq ki, avqustun 12-də Aktauda keçirilən Xəzəryanı ölkələrin sammitinin yekunu üzrə Azərbaycan, Rusiya, İran, Qazaxıstan və Türkmənistan prezidentləri Xəzər dənizinin hüquqi statusu haqqında Konvensiyanı imzalayıblar.






SON XƏBƏRLƏR

2018-12-11
2018-12-10