2019-02-19 12:46:21   |   81 dəfə oxunub

Milli Məclisin və iki komitənin səlahiyyətlərinə dəyişiklik edildi



Parlementin bu gün keçirilən iclasında Milli Məclisin və iki komitənin səlahiyyətlərinə dəyişiklik müzakirə olunub.

"Sherg.az”ın məlumatına görə, Milli Məclisin həll etdiyi məsələlərdən Auditorlar Palatasının yaradılması məsələsinin çıxarılması, həmçinin İnsan hüquqları, İqtisadi siyasət, sənaye və sahibkarlıq komitələrinin baxdığı məsələlərdən Auditorlar Palatası sədrinin və sədr müavininin vəzifədən azad edilməsi barədə məsələyə baxılmasının və bu barədə rəy verilməsinin çıxarılması nəzərdə tutulub.
Hesablama Palatasının fəaliyyəti barədə illik hesabat parlamentin müzakirəsinə təqdim edilməzdən əvvəl buna Milli Məclisin müvafiq komitəsində baxılmalı və rəy verilməlidir. Bu məsələ İqtisadi siyasət, sənaye və sahibkarlıq komitəsinin baxdığı məsələlərə əlavə olunur.

Eləcə də gender bərabərliyinin təmin edilməsinə nəzarəti həyata keçirən Ailə, Qadın və Uşaq Problemləri üzrə Dövlət Komitəsinin illik məlumatı Milli Məclisin müzakirəsinə təqdim edilməzdən əvvəl həmin məlumata baxılması və rəy verilməsi İnsan hüquqları və Ailə, qadın və uşaq məsələləri komitələrinin baxdığı məsələlərə əlavə olunur. Dəyişikliklər müzakirələrdən sonra üçüncü oxunuşda qəbul olunub.

Anar





SON XƏBƏRLƏR

2019-03-24
2019-03-23