2019-03-22 15:14:36   |   92 dəfə oxunub

İran XİN: Trampın düşünülməmiş qərarları Yaxın Şərqdə növbəti böhrana yol açacaq


İranın Xarici İşlər Nazirliyi (XİN) ABŞ Prezidenti Donald Trampın Qolan yüksəklikləri ilə bağlı bəyanatını pisləyib.

Trend-in məlumatına görə, XİN-in rəsmi nümayəndəsi Bəhram Qasımi bildirib ki, ABŞ-ın Qolan yüksəklikləri üzərində İsrailin suverenliyini tanıması qanunsuz və qəbuledilməzdir və həmin ərazinin Suriyaya məxsus olması faktını dəyişə bilməz:

"Qolan yüksəklikləri BMT Təhlükəsizlik Şurasının qətnaməsinə əsasən də Suriyanın bir hissəsidir. Trampın düşünülməmiş qərarları Yaxın Şərqdə növbəti böhrana yol açacaq".

Qeyd edək ki, D.Tramp "Twitter" səhifəsində Birləşmiş Ştatların Qolan yüksəklikləri üzərində İsrailin tam suverenliyini tanımasının vaxtı gəlib çatdığını yazıb.




SON XƏBƏRLƏR

2019-04-18