Qazaxıstanın Türküstan şəhəri cari ilin may ayının ortalarında Türk Dövlətləri Təşkilatının (TDT) liderlərinin növbəti yüksək səviyyəli görüşünə ev sahibliyi edəcək.
Teleqraf xəbər verir ki, bu barədə Qazaxıstan Prezidenti Kasım-Jomart Tokayev Türküstan vilayətinə işgüzar səfəri zamanı ictimaiyyət nümayəndələri qarşısında çıxış edərkən bildirib.
Dövlət başçısı qeyd edib ki, müasir dövrün qlobal çağırışları fonunda bu görüşün keçirilməsi böyük strateji əhəmiyyət daşıyır:
"Dünyada mövcud qeyri-sabit vəziyyət şəraitində bu beynəlxalq tədbir xüsusi əhəmiyyət kəsb edir. Hökumət və vilayət rəhbərliyi bu sammitin yüksək keyfiyyətlə təşkilinə birinci dərəcəli önəm verməlidir".
