Mixeil Saakaşvilinin saxlanıldığı həbsxanadan helkopterlə hara köçürülməsi ilə bağlı Penitensiar Xidmət rəsmi məlumat yayıb.
24News.ge xəbər verir ki, onun Qldanidə yerləşən 18 saylı Cəzaçəkmə Müəssisəsində yer alan məhkumlar xəstəxanasına köçürüldüyü bildirilir.
Məlumata əsasən, Saakaşvilinin köçürülməsinə səbəb, səhhətinin pisləşməsinin qarşısını almaq məqsədi olub:
"Məhkum Mixeil Saakaşvilinin səhhətinin pisləşməsinin qarşısını almaq və təhlükələrin artması ilə əlaqədar o, 12 saylı Cəzaçəkmə Müəssisəsindən 18 saylı Cəzaçəkmə Müəssisəsində yer alan məhkumlar xəstəxanasına köçürülüb. Biz mərhələli şəkildə ictimaiyyətə əlavə məlumat verəcəyik", - deyə Penitensiar Xidmət açıqlamasında qeyd edib.
