"Braziliya Azərbaycan və Ermənistanın sülh içində yaşamasını arzu edir".
"Report"un Qərb Mərkəzinin məlumatına görə, bunu Gəncədə səfərdə olan Braziliya Milli Konqresinin Senatının Braziliya-Azərbaycan parlamentlərarası əməkdaşlıq üzrə dostluq qrupunun rəhbəri Antonio Anastasiya bildirib.
"BMT-nin qərarlarına uyğun olaraq heç bir müharibə mülki şəxslərin ölümünə səbəb olmamalıdır. Biz Azərbaycan xalqı ilə həmrəylik nümayiş etdirir, xalqları sülhə çağırırıq", - braziliyalı deputat bildirib.
Qeyd edək ki, Braziliya Milli Konqresinin Senatının Braziliya-Azərbaycan parlamentlərarası əməkdaşlıq üzrə dostluq qrupunun rəhbəri Antonio Anastasiya Gəncə şəhərində səfərdədir. Senator Vətən müharibəsi zamanı Ermənistan Silahlı Qüvvələri tərəfindən Gəncədə törədilən terror hadisələrinin baş verdiyi ərazilərə baş çəkib.
