BMT-nin Sivilizasiyalar Alyansı Rusiya Federasiyası ilə yaxşı münasibətləri davam etdirir və ona siyasi, diplomatik və maliyyə dəstəyinə görə minnətdardır.
Axar.az xəbər verir ki, bunu BMT Baş katibinin Sivilizasiyalar Alyansı üzrə ali nümayəndəsi Migel Anxel Moratinos deyib.
"Biz Rusiyanın Alyansın işinə verdiyi töhfəyə görə həmişə minnətdar olmuşuq - həm siyasi, həm diplomatik, hətta maliyyə baxımından. Onlar bizi dəstəklədilər və bu gün də biz yaxşı münasibətləri davam etdiririk, dialoq aparırıq və birgə işləyə biləcəyimiz sahələri müəyyənləşdiririk", - deyə o bildirib.
