Bakının Nizami rayonunda silsilə oğurluq faktları qeydə alınıb.
Axar.az xəbər verir ki, naməlum şəxslər rayon ərazisində yerləşən zoomağazaların birindən 22335 manat dəyərində pişik yemi, avtoservisdən 3000 manatlıq ehtiyat hissələri, moped, eləcə də içərisində pul, qiymətli əşyalar olan çantanı talayıblar.
Polis əməkdaşlarının keçirdikləri əməliyyat-axtarış tədbirlərilə cinayət əməllərini törətməkdə şübhəli bilinən T.Mustafayev, R.Mehdiyev, Y.Həmidli, əvvəllər məhkum olunmuşlar – O.Hüseynov və İ.Hümbətov saxlanılıblar.
Faktlar üzrə araşdırma aparılır.
