“Qızıma silah kimi istifadə etdiniz, nəticədə də acımasızca öldürdünüz”
İtirdiyi qızı Nihal Candanın məzarını ziyarət edən Umut Candan, kiçik qızı Su ilə birlikdə emosional anlar yaşadı.
Sherg.az xəbər verir ki, Nihal Candanın kiçik bacısı Su bacısının məzar daşına yanına uzandığı kadrı paylaşan kədərli ana, sosial media hesabında sərt sözlərlə etiraz etdi.
Umut Candan paylaşımında bunları yazdı:
“Neçə nəfər həm gözəl, həm ağıllı, həm təhsilli, həm karyeralı, həm mərhəmətli, həm vicdanlı, həm də ailəsi tərəfindən sevilən biri ola bilər… Əgər özünüzlə probleminiz olmasaydı, inanın bizimlə də olmazdı.”
“Həsəd və qısqanclıqdan çıldırdıqca düymələrə basdınız, çıldırdıqca düymələrə basdınız.
O lənət düymələri qızıma silah kimi istifadə etdiniz, nəticədə də acımasızca öldürdünüz.”
Əsl adı Gülnihal Çiçək olan Nihal Candan sağlamlıq problemləri səbəbindən həbsdən azad edilmişdi. Uzun müddət anoreksiya ilə mübarizə aparan Candanın ölümü həm ailəsini, həm də sevdiklərini dərindən sarsıtdı. Hələ 29 yaşında həyata gözlərini yuman gənc qadın televiziya proqramları ilə tanınmış və xüsusilə sosial mediada adı hallanmışdı.
Nihal Candanın bacısı Bahar Candan itki sonrası uzun müddət susmuş, sonra etdiyi paylaşımlarda yaşadığı böyük ağrını ifadə etmişdi. Ana və ata Candan isə sosial mediada qızlarının ardından duyduqları həsrəti davamlı paylaşır.
