Ermənistan parlamenti parlamentin dördgünlük cari iclasının gündəliyinə müxalifət fraksiyalarının “Milli böhran və dövlət idarəçiliyinin uğursuzluğu haqqında” bəyanatı layihəsinin daxil edilməsi məsələsini müzakirə edib.
Teleqraf xəbər verir ki, bəyanat layihəsini müxalifətçi deputat, “Ermənistan” fraksiyasının Hayk Mamicanyan təqdim edib.
Deputatın sözlərinə görə, iyunun 7-dən indiyədək 34 deputat Ermənistan Baş naziri Nikol Paşinyana etimadsızlıq prosesinə qoşulub.
“Amma etimadsızlıq səsverməsinin elan edilməsi prosesi xalqın, geniş ictimai kütlənin dəstəyi və küçə mübarizəsi olmadan mümkün deyil”, - o bildirib.
Hakim “Vətəndaş Müqaviləsi” fraksiyası Milli Məclisin gündəliyinə bəyanat layihəsinin daxil edilməsini dəstəkləməkdən imtina edib.
