“Gürcüstan müxalifətinin seçkilər günü atacağı qanunsuz addımları adekvat cavab alacaq”.
Teleqraf xəbər verir ki, bu barədə Gürcüstanın hakim “Gürcü Arzusu” partiyasının deputatı Tengiz Şarmanaşvili bildirib.
“Generalların müəyyən məlumatı ola bilər, belə qeyri-adekvat insanların planı olmaya da bilər, onların bunu spontan şəkildə planlaşdırması mümkündür. Əlbəttə, dövlət qanunsuz hərəkətləri cavabsız qoymayacaq. Kim həyatı irreal dünyada yaşamaq istəyirsə, real cavab alacaq. Dövlət güclüdür və hər bir qanun pozuntusuna adekvat reaksiya göstərəcək, istər planlaşdırılmış olsun, istərsə də spontan.
Gizlətməyə çalışırlar, amma zorakılıq aksiyası planlaşdırırlar. İki nəfər artıq həbsdədir – onlardan biri açıq şəkildə hakimiyyətin devrilməsini planlaşdırdıqlarını deyib, digəri isə seçki məntəqələrinin dağıdılmasından danışıb. Əlbəttə, belə planlar var, amma onların uzaqmənzilli olduğuna şübhə edirəm, çünki qeyri-adekvat adamlardır və ciddi heç nə edə bilməzlər. Dövlət isə onların bu planları barədə hər şeyi bilir və müvafiq reaksiya da olacaq”, - hakim partiyanın üzvü vurğulayıb.
Oktyabrın 4-də Gürcüstanda növbədənkənar parlament seçkiləri keçiriləcək. Müxalif Milli Hərəkat Partiyası həmin gün paytaxt Tbilisidə küçə yürüşləri və nümayişləri elan edib. Partiyanın lideri, keçmiş prezident Mixail Saakaşvili vətəndaşları küçələrə çıxmağa və aktiv olmağa çağırıb.
