“Üçüncü Ermənistan Respublikası münaqişə məntiqi üzərində qurulub”.
Teleqraf xəbər verir ki, bunu Ermənistan Baş naziri Nikol Paşinyan deyib.
“Bir dəqiqəlik bir şey deyim. Üçüncü Respublika münaqişə, Dördüncü Respublika isə sülh məntiqinə əsaslanır. Üçüncü Respublikada Konstitusiyanın xalqın iradəsini azad ifadə etməsi və səsvermə yolu ilə qəbul edilməsi çox şübhə doğurur, dördüncü Respublikada isə qətiyyən belə bir şübhə olmamalıdır.
Üçüncü Respublikada hakimiyyətin xalqa məxsus olması nisbi və formal xarakter daşıyırdı, Dördüncü Respublikada bu, aydın və şübhəsiz olmalıdır.
Nəhayət, Üçüncü Respublika vətən haqqında xəyal qurmaqdan, vətən axtarmaqdan, xəyalların vətənini axtarmaqdan ibarət idi, Dördüncü Respublika real vətən haqqındadır, Ermənistan Respublikası bizim arzularımızın vətənidir və başqa vətən axtarmağa ehtiyac yoxdur”, - baş nazir bildirib.
“Üçüncü Respublika Ermənistan” ifadəsi Ermənistanın müstəqillik dövrü ilə əlaqəlidir. Birinci Respublika 1918–1920, İkinci Respublika isə 1920–1991-ci illəri (SSRİ dönəmi) əhatə edir. Nikol Paşinyan Dörcünü Respublikanı da elan edib. Bu isə onun hakimiyyəti dövründə qurulana aiddir.
