“Robert Köçəryan, Levon Ter-Petrosyan və Serj Sərkisyan siyasi meyitdir”.
Teleqraf xəbər verir ki, bunu Ermənistan parlamentinin sədri Alen Simonyan deyib.
“Hörmətli jurnalistlər, Köçəryanın müsahibəsini izləmədim və izləmək də istəmirəm. İnternetdə bir neçə kəsilmiş ideo və mətbuatda bir-iki sitat görmüşəm. Məzmun baxımından heç bir yenilik gözlənilmir, estetik baxımdan isə o insanı izləmək və dinləmək sadəcə xoşagəlməzdir. Onun o saxta gülüşləri, üzündəki təhriflər, cəfəng fikirləri və “cəsarətli pozaları” artıq heç kimə maraqlı deyil, bunu ona deməyiblər ki, əhvalı korlanmasın.
Əgər siyasi deməyə sözü varsa, onun yolu çoxdan göstərilib — cəsarətini toplayıb, Ermənistan Respublikasının yeganə seçilmiş rəhbəri (Nikol Paşinyan) ilə debatda iştirak etsin. Amma əminəm ki, vaxtilə özünü “ölkənin yeganə kişisi” adlandıran şəxs indi qorxur - digər seçilməmişlər (Serj Sərkisyan və Levon Ter-Petrosyan) kimi.
Qorxmayın, onsuz da çoxdan siyasi meyitsiniz, itirəcəyiniz bir şey yoxdur. Heç olmasa, aranızda kim daha çox meyit olduğunu seçin”, - spiker bildirib.
