Əsas məsələ ölkə liderləri arasında görüşə hazırlıqdır. Nümayəndə heyətimiz bunun üçün lazımi imkanlara malikdir.
Teleqraf xəbər verir ki, bunu Ukrayna Prezidenti Volodimir Zelenski axşam videomüraciətində deyib.
"Bizim üçün təhlükəsizliklə bağlı məsələlər vacib əhəmiyyət kəsb edir. Ümid edirik ki, bu gün İstanbulda Rusiya tərəfi ilə keçirilən görüşdə düzgün addımlar atmaq üçün növbəti imkan əldən verilməyəcək", - o bildirib.
Prezident əlavə edib ki, Ukrayna əsirlikdə olan hərbçilərin azad edilməsi, uşaqların qaytarılması və real atəşkəsin əldə olunması istiqamətində işləməyə hazırdır.
Bundan əlavə, Zelenski bildirib ki, gün ərzində mübadilənin yeni mərhələsinə hazırlıq gedib: "Bizimkiləri evdə gözləyirik. Vacib olan odur ki, bütün çətinliklərə baxmayaraq, ukraynalılar evə qayıdırlar. Hər bir soyadı yoxlayırıq, bütün məlumatları axtarırıq. Artıq bir çox hallar olub ki, itkin düşənlərin siyahısında olan hərbçilərimizi əsirlikdə tapmışıq. Hər dəfə bunu yoxlayırıq".
