Suriya müvəqqəti hökuməti Türkiyədən rəsmi olaraq hava hücumundan müdafiə sistemləri, zirehli texnika, pilotsuz uçuş aparatları (PUA) və modernləşdirilmiş artilleriya sistemlərinin satışını istəyib.
Teleqraf xəbər verir ki, bu barədə "Yeni Şafak" qəzeti məlumat yayıb.
Bildirilir ki, silah alışı əsasən terrorçular və İsrail təhdidlərinə qarşı müdafiənin gücləndirilməsi məqsədilə həyata keçiriləcək.
Əsas prioritet ölkənin şimal hissəsini əhatə edən mərhələli hava hücumundan müdafiə sisteminin yaradılmasıdır.
Qeyd edilir ki, sözügedən sazişin maliyyələşdirilməsi həm Türkiyə və Suriya, həm də Fars Körfəzi Ərəb Dövlətlərinin Əməkdaşlıq Şurası (GCC) tərəfindən yaradılan xüsusi fond vasitəsilə həyata keçirilə bilər. Fond Suriyada müdafiə sənayesi və investisiyalara dəstək məqsədi daşıyır.
