Avropa İttifaqının (Aİ) xarici işlər nazirlərinin Lüksemburqda keçirilən görüşündə Gürcüstandakı vəziyyət müzakirə edilib.
APA-nın Tbilisi müxbiri xəbər verir ki, bu barədə Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi/Aİ Komissiyasının vitse-prezidenti Cozep Borelin bəyanatında bildirilib.
Qeyd olunub ki, XİN başçıları Gürcüstanda hakim partiyanın təqdim etdiyi "Xarici təsirin şəffaflığı haqqında" qanun layihəsindən narahatlıqlarını ifadə ediblər.
Borel Gürcüstan hökumətinin daha əvvəl bu qanunu geri çəkmək və bir daha parlamentə təqdim etməmək öhdəliyini öz üzərinə götürdüyünü, lakin bunu yerinə yetirmədiyini deyib.
O, qanunun Aİ dəyərlərinə uyğun olmadığını vurğulayıb.
