Dünyanın ən məşhur animasiya seriallarından biri olan “Simpsonlar” daha bir öngörmə ilə gündəmə gəlib. Serialın bir bölümündə 28 fevral 2025-ci il tarixində düyanın sonu olacağı söylənilir. Bu proqnoz narahatlığa səbəb olub. Çünki “Simpsonlar”ın bir çox proqnozları indiyədək təsdiqini tapıb.
“Sherg.az” “Milliyet.com.tr”yə istinadən bildirir ki, “Simpsonlar” indiyə qədər yaradılmış ən uğurlu və ən uzunömürlü televiziya şoularından biridir və onun uzunömürlülüyünün əsas amillərindən biri gələcək hadisələri böyük ölçüdə proqnozlaşdırmaq qabiliyyətidir. Serialın keçmiş epizodları real dünya hadisələrini qorxulu şəkildə proqnozlaşdıra bilib. Koronavirus, Neymarın ciddi zədə alması, Fukusima nüvə fəlakətindən sonra mutant tərəvəzlərin ortaya çıxması və bir çox başqa hadisələr "Simpsonlar" filminin epizodlarında hansısa şəkildə işarə edildikdən sonra baş verib. Bunun son nümunəsi 28 fevral 2025-ci ildə baş verə bilər və dünyanın sonu gələ bilər. Serialın 1998-ci ildə "Sprinqfildin son günü" adlı epizodunda bütün şəhərdə elektrik enerjisinin tam kəsilməsi baş verir. Homerin gedib işləməsi üçün işləyən nəqliyyat vasitələri, elektrik enerjisi, mobil telefonlar və nüvə stansiyası yoxdur. Eynilə, 2023-cü ildə yayımlanan bir epizodda cənab Burns 28 fevral 2025-ci ildən sonra enerjinin olmayacağını qeyd edir. Azarkeşlər bu iki epizodun birləşərək 28 fevral 2025-ci ildə real dünyada bir növ böyük elektrik kəsilməsinə səbəb ola biləcəyini düşünürlər.
