Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaya Kallas Brüseldə jurnalistlərə açıqlamasında bildirib ki, birincisi, sülh olmalıdır və Putin hələ kisülh istəmir.
Kallas qeyd edib ki, bizim Ukraynada sülhməramlı missiyamız ola bilməz. Lakin, Ukraynaya veriləcək təhlükəsizlik təminatları barədə müzakirələr davam edir.
Hərbi ekspert Emil Həsənli “Sherg.az”a söyləyib ki, Zelenski də Mixail Saakaşvilinin səhvlərini təkrar etdi:
“Gürcüstan da vaxtilə Amerikaya arxayın olaraq öz ərazisində əməliyyatlar keçirdi və nəticə etibarilə Rusiya Tiflisə qədər gəlib çıxmışdı. Gürcüstanın 2008-ci ildəki səhvini Zelenskinin yenidən təkrarlaması təəssüf hissi doğurur. Zelenski Amerika və Avropa liderlərinə arxayın olaraq Rusiya ilə müharibəyə başladı. Amma zaman və Donald Trampın açıqlamaları göstərir ki, Amerika Ukraynanın arxasında durmur. Elə Bayden zamanında da Amerika kifayər qədər Ukraynaya dəstək göstərmədi və yardımlar 6 ay geçikdirildi. Sadəcə olaraq kiçik özünü müdafiə silahları verildi. Amerika Ukraynaya lazımi raketləri göndərmədi və dəstəyi ləngitdi. Bu göstərir ki, hansısa ölkənin başqalarına arxalanaraq savaşa başlaması bəşər tarixində faciələrlə nəticələnib. Artıq 10 milyona yaxın Ukrayna vətəndaşı ölkəni tərk edib, yüzminlərlə şəxs dünyasını dəyişib və xeyli insan yaralanıb. Hazırda Amerika Ukraynanaya yardımları dayandırır, Avropa Birliyi isə bununla bağlı müzakirələr aparır. İngiltərə, Fransa və Almaniya isə Ukraynaya yardımı davam etdirmək niyyətindədir. Ancaq Fevralın sonunda Səudiyyə Ərəbistanındakı Tramp-Putin danışıqlarından və son görüşmələrdən sonra hər şey bəlli olacaq. Bunların heç birinin isə Ukraynaya xeyri yoxdur. Avropa İttifaqının Ukraynaya sülhməramlı göndərməsi yaxın gələcəkdə real görünmür”.
