Sosial şəbəkələrdə milyarder İlon Mask və ABŞ-nin yeni seçilmiş Prezidenti Donald Trampın birlikdə əylənməsini əks etdirən maraqlı video yayılıb.
Oxu.Az-ın verdiyi məlumata görə, görüntülər Şükran Günü münasibətilə təşkil olunan şam yeməyindəndir.
Kadrlarda onların böyük dairəvi masada əyləşdiyi görünür. Arxa fonda "Village People" qrupunun əfsanəvi "YMCA" mahnısı səslənir. Videodan aydın olur ki, Tramp nəqəratı səbirsizliklə gözləyir və bu anda sevinclə İlon Maskın çiyninə vurur. Sonra onlar birlikdə oxumağa başlayırlar.
