"Mövcud hadisələrə görə hamımızın öz payımız var, cəmiyyətin qarşıdurmasının, parçalanma cəhdinin nə ilə nəticələnə biləcəyini dərk etməliyik”.
24News.ge xəbər verir ki, bu barədə Tbilisi meri Kaxa Kaladze sosial media hesabında qeyd edib.
Onun sözlərinə görə, cəmiyyəti parçalamaq cəhdləri ağır nəticələrə səbəb ola bilər:
“Artıq ikinci həftədir ki, paytaxtın əsas prospekti dövlət çevrilişinə çağırışlar, ölkəni devirmək cəhdləri yerinə çevrilib. Bura ictimai qarşıdurma, sataşma, sui-istifadə məkanına çevrilib. Bütün bunlar cəmiyyətə, xüsusən də sevinc və xoşbəxtlik hissindən məhrum edilə bilməyən uşaqlara çox ağır təsir edir.
Uşaqları mümkün qədər siyasi proseslərdən ayırmaq üçün hər şeyi etməliyik. Çox təhlükəli elanlar görürük. Məsələn, Salome Zurabişvili çıxıb məktəbliləri siyasi proseslərdə iştiraka çağırıb. Əgər camaatın qəzəbinə tuş gəlməsəydi, əminəm ki, bağçaya da eyni bəyanatla çağırış edərdi.
Baş verən hadisələrə görə hamımızın öz payımız var, cəmiyyətin qarşıdurmasının, parçalanma cəhdinin nə ilə nəticələnə biləcəyini hamımız dərk etməliyik. Dağılmış Rustaveli prospektinin fotolarını nümayiş etdirmək, sevinclə romantikləşdirmək uşaqlarımızın şüurundan çıxarmaq prospektin özünü təzələyib səliqəyə salmaqdan qat-qat çətindir.
Qarşıdurma bitməlidir, ölkə ən böyük sınaqlarla üz-üzədir, görün dünyada nələr baş verir, hansı proseslər gedir. Düşünürəm ki, bu çətinliklərin öhdəsindən ümumi səylə qalib gəlmək olar. Biz əsas suala cavab verməliyik: biz Avropanın gələcəyini istəyirikmi? Onda biz dağıdmaya yox, tikməyə davam etməliyik”, - deyə Kaxa Kaladze bildirib.
Tbilisi merinin sözlərinə görə, Rustaveli prospektində Yeni il hazırlıqları üçün zəruri olan işlərə başlanılıb və əsas yolka ucaldılıb. Onun sözlərinə görə, ölkənin əmin-amanlığını, inkişafını şübhə altına almaq olmaz.
