Fransız jurnalist Nataşa Rey Fransa prezidentinin həyat yoldaşının kişi olaraq doğulduğunu iddia etdiyi üçün məhkum edildikdən sonra Rusiyadan siyasi sığınacaq almaq istəyir. O, ABŞ-a müraciət etməkdən imtina edib.
Bakupost.az xəbər verir ki, o, bu barədə RİA Novosti-yə danışıb.
"O, (vəkil) ABŞ-a müraciət etməyi təklif etdi, lakin mən həmişə Amerika imperializminə qarşı mənfi münasibət bəsləmişəm. Rusiya isə mənim ürəyimdə həmişə ikinci vətən olub", - deyə o bildirib.
Jurnalist ABŞ-ı deyil, məhz Rusiya Federasiyasının siyasətini dəstəklədiyi üçün bu ölkədən sığınacaq almaq istədiyini vurğulayıb.
