Pentaqonun beş keçmiş rəhbəri açıq şəkildə ABŞ Prezidenti Donald Trampın əleyhinə çıxıb.
Axar.az xəbər verir ki, bu barədə “Vaşinqton Post” nəşri məlumat yayıb.
Məlumata görə, onlar prezidenti Birləşmiş Qərargah Rəislərinin sədri general Çarlz Braunu və digər yüksək səviyyəli hərbi məmurları işdən çıxardığına görə tənqid ediblər.
Pentaqonun sabiq rəhbərləri qərarların sırf siyasi olduğunu bildiriblər və Konqresi araşdırma aparmağa çağırıblar.
Konqresə çağırış məktubunu müxtəlif prezidentlər dövründə çalışmış Lloyd Ostin, Cim Mettis, Çak Heygel, Leon Panetta və Uilyam Perri imzalayıb.
