Moskva Rusiya-Ukrayna müharibəsi ilə bağlı ABŞ-ın yeni seçilmiş prezidenti Trampın mövqeyində müsbət siqnallar görür.
Axar.az xəbər verir ki, bunu Kremlin mətbuat xidmətinin rəhbəri Dmitri Peskov deyib.
Onun sözlərinə görə, Tramp qarşıdurmadan yox, sülhdən danışır:
"Siqnallar müsbətdir. Tramp seçki kampaniyası zamanı hər şeyin həllini razılaşma vasitəsilə gördüyündən, sülhə gətirib çıxara biləcək bir sövdələşmə edə biləcəyindən danışıb".
O qeyd edib ki, Trampın seçki kampaniyası zamanı verdiyi bəyanatlara nə dərəcədə əməl edəcəyini proqnozlaşdırmaq çətindir.
