“E-4B Nightwatch” ABŞ Hərbi Hava Qüvvələrinin modifikasiya edilmiş “Boeing 747-200” təyyarəsidir və “Qiyamət günü təyyarəsi” adı ilə tanınır.
Teleqraf xəbər verir ki, bu təyyarələr nüvə müharibəsi zamanı “uçan Ağ Ev” rolunu oynaya biləcək şəkildə hazırlanıb.
“SlashGear”in yazdığına görə, təyyarə 12 saat fasiləsiz uçuşa uyğunlaşdırılıb, baxmayaraq ki, standart “Boeing 747-200” təxminən 14 saat uçuşa malikdir.
Əsas səbəb çəki ilə bağlıdır. E-4B-nin maksimum qalxma çəkisi 360 000 kq təşkil edir, digər modellərin isə daha az çəkisi olduğundan uçuş məsafəsi artırıla bilər. Əlavə çəki həmçinin uçuş yüksəkliyinə təsir edir. ABŞ Hərbi Hava Qüvvələri bildirir ki, “Nightwatch” 9 000 metrdən yuxarı uça bilər, halbuki 747-200 14 000 m hündürlüyə qədər nəzərdə tutulub.
Təyyarə havada yanacaq doldurma imkanına malikdir. Təyyarə kabinənin ön şüşələri ilə burun arasında yerləşən yanacaq qəbuledicisi, həmçinin təyyarənin burnunda yaranan titrəməni azaltmaq üçün yanacaqdoldurma zamanı qaldırılan spoyler ilə təchiz edilib.
E-4B bir neçə təyyarədə olan xüsusi funksiya ilə təchiz edilib: yanacağı təchizatçıya geri qaytara bilir. Bu sayədə təyyarə havada yanacaq daşıyıcısı kimi istifadə edilə, dünya miqyasında yanacaq çatdırılmasını təmin edə bilər.
Əgər E-4B havada yanacaqdoldurma mənbəyinə çıxışı olsa, elə təsəvvür etmək olardı ki, təyyarə havada sonsuz müddət qala bilər. Amma mühərriklərin işləməsi üçün yalnız yanacaq deyil, həm də digər mayelər, məsələn, yağ və yağlayıcılar tələb olunur. Əks halda mühərrik donub qala və ya qızar.
E-4B bir uçuşda 35 saatdan çox fasiləsiz havada qala bilib, amma planlaşdırıcılar hesab edir ki, təyyarə havada 72 saatdan bir həftəyə qədər qala bilər.
