Böyük Britaniyanın Baş naziri Keyr Starmer bu gün Brüsselə səfəri zamanı Rusiyanın enerji şirkətlərinə qarşı sərt sanksiyaları müzakirə edəcək.
Axar.az xəbər verir ki, bu barədə Baş nazirin Ofisi məlumat yayıb.
“Enerji gəlirlərinə və raket zavodlarını təchiz edən şirkətlərə təzyiqi davam etdirmək üçün avropalı tərəfdaşlarımızla işləmək üçün buradayam. Çünki son nəticədə bizim hərbi dəstəyimizlə yanaşı, sülhü yaxınlaşdıracaq həm də budur”, - o bildirib.
Qeyd edək ki, bu gün Brüsseldə qeyri-rəsmi sammitin keçirilməsi planlaşdırılır. Orada müdafiə məsələləri müzakirə olunacaq. Bundan əlavə, sammitdə ABŞ-la münasibətlər geosiyasi kontekstdə müzakirə olunacaq.
