Yutuber Ceyk Pol məşhur boksçu Mayk Taysonun Parkinson xəstəliyinə tutulması barədə sözlərini təkzib edib.
Axar.az xəbər verir ki, bu barədə “Deyli Meyl” nəşri məlumat yayıb.
“Mayk Taysonun Parkinson xəstəliyi yoxdur. Mən səhv açıqladım. Demək istəyirdim ki, o, xəstəliyini sağaltmaq üçün qurbağadan hazırlanmış dərmandan istifadə edirdi. O özü də bu barədə dəfələrlə deyib”, - Pol bildirib.
Qeyd edək ki, Yutuber Ceyk Pol məşhur boksçu Mayk Taysonun Parkinson xəstəliyinə tutulduğu barədə məlumat yaymışdı. O, 59 yaşlı boksçunun yaddaş itkisindən əziyyət çəkdiyini, ötən il noyabrın 16-da keçirdikləri döyüşdən öncə dərman qəbul etdiyini və uzun müddətdir müalicə aldığını iddia etmişdi.
