Ukraynada müharibə ya çox yaxında bitəcək, ya da heç vaxt bitməyəcək.
APA xəbər verir ki, bu bəyanatla ABŞ prezidenti Donald Tramp Böyük Britaniyanın baş naziri Key Starmerlə görüşdən sonra keçirilən mətbuat konfransında çıxış edib.
"Mənim Putin və Zelenski ilə telefon danışığım olub. Komandamız da bu müharibəni dayandırmaq üçün NATO-nun baş katibi ilə danışıb. Düşünürəm ki, biz yaxşı irəliləyiş əldə edir, düzgün istiqamətdə gedirik. Düşünürəm ki, bu, ya çox tez baş verəcək, ya da heç vaxt olmayacaq", - Tramp deyib.
Tramp əlavə edib ki, Ukraynada sülh yolu ilə nizamlanmaya doğru növbəti addım atəşkəs olmalıdır. Onun fikrincə, buna tez nail olmaq olar.
Qeyd edək ki, hətta seçki kampaniyası zamanı ABŞ prezidentliyinə namizəd olan Donald Tramp Rusiyanın Ukraynaya qarşı müharibəsini 24 saat ərzində dayandıracağına söz vermişdi.
O, Ağ Evə gələndə etiraf etdi ki, Rusiya-Ukrayna böhranına son qoymaq tez baş verməyəcək, çünki məsələ onun düşündüyündən də mürəkkəbdir.
