Ukrayna ordusunun hərbi pilotlarının üçüncü qrupu Böyük Britaniyada təlim kurslarını başa vurub və tezliklə döyüş əməliyyatlarında iştirak edəcəklər.
APA xəbər verir ki, bu barədə Ukraynanın Böyük Britaniyadakı səfiri, ölkənin silahlı qüvvələrinin sabiq ali baş komandanı Valeri Zalujnı bildirib.
“Britaniya Parlamentinin dövlət katibinin Silahlı Qüvvələr üzrə müavini Lyuk Pollard ilə birlikdə biz Krenveldəki Kral Hərbi Hava Qüvvələri bazasında Ukrayna Silahlı Qüvvələrinin pilotlarının buraxılış mərasimində iştirak etdik. Hər halda, bu uşaqlar tezliklə döyüşə girəcəklər.", - deyə Zalujnı məsələ ilə bağlı açıqlamasında deyib.
Diplomatın sözlərinə görə, bu qrup Böyük Britaniyada təlim keçən üçüncü qrupdur.
