Cümə və şənbə günü ard-arda gələn şəhid xəbərləri ilə Türkiyə yaslara qərq oldu.
Sherg.az xəbər verir ki, İraqın şimalında "Pəncə - Kilid" əməliyyatında terrorçularla qarşıdurmada 12 türk əsgəri şəhid olub. Ürək parçalayan xəbərdən sonra məşhur adlar da başsağlığı verib.
FERHAT GÖCƏR
"Pəncə - Kilid" əməliyyatında şəhid olan əsgərlərimizə və Vətən övladlarımıza Allahdan rəhmət, yaralı əsgərlərimizə isə şəfalar diləyirəm..."
FİLİZ AKIN
"İki gündür zülmət içindəyik, 12 şəhidimiz var. Bu atəş bütün qəlbimizi yandırır. Ürəyimiz qan ağlayır... Şəhidlərimizə Allahdan rəhmət diləyirik, bütün kədərli ailələrinə, yaxınlarına səbr diləyirəm”.
TÜRKAN ŞORAY
"Şəhidlərimiz üçün bir daha ürəyimiz yandı. Yaxınlarına səbr diləyirəm. Ölkəmizə başsağlığı verirəm".
ACUN İLICALI
"Şəhidlərimizin acısını yaşayarkən daha 6 qəhrəman əsgərin şəhid olması xəbərini almaq ürəyimizi parçaladı. "Pəncə” əməliyyatında xain terrorçularla qarşıdurmada şəhid olan qəhrəman əsgərlərimizə Allah rəhmət eləsin. Acımız böyükdür. Millətimizə başsağlığı verirəm."
EROL EVGİN
Separatçı terror təşkilatı ilə qarşıdurmada şəhid olan 12 əsgərimizə Allahdan rəhmət, ailələrinə və millətimizə başsağlığı verir, yaralanan əsgərlərimizə şəfalar diləyirəm”.
GUL SUNAL
“Şəhidlərimizə, onların ailələrinə və bütün vətəndaşlarımıza başsağlığı veririk.
Bunu yazanda ürəyim ağlayır. Od düşdüyü yerdə yanır... Mən bunu çox yaxşı bilirəm...”
EZGİ SERTER
“12 ocaq söndü... Ürəklər yanır... Nə qədər analar, nə qədər arvadlar, nə qədər uşaq ağrılar, fəryadlar... Allah səbr versin... Millətimizə başsağlığı verirəm. "
HADİSƏ
"Xəyanətkar hücum nəticəsində şəhid olan əsgərlərimizə Allahdan rəhmət diləyirəm. Terrora lənət olsun".
HÜLYA KOÇYİĞİT
"İraqın şimalında şəhid olan bütün qəhrəman əsgərlərimizə Allahdan rəhmət, yaralananlara şəfa, ailələrinə və yaxınlarına səbr diləyirəm. Allah əməliyyatda iştirak edən bütün qəhrəmanlarınıza kömək olsun. "
NİLÜFƏR YUMLU
"Lənət olsun terrora! 12 övladımızı şəhid etdi. Dərdli ailələrinə Allahdan səbr diləyirəm".
MURAT KURŞUN
"Şəhidlərimizə Allahdan rəhmət, yaralananlara şəfa, ailələrinə səbr diləyirəm. Türkiyəmizə başsağlığı verirəm".
