Onun nifrət dolu ifadələri sosial mediada etirazlara səbəb olub
ABŞ-də Respublikaçı namizəd Valentina Qomezin alovatanla Quran yandırdığı video böyük etirazlara səbəb olub. İslama hədəflənmiş nifrət ifadələri sosial mediada “açıq İslamofobiya və nifrət cinayəti” kimi qınanıb.
Sherg.az xəbər verir ki, ABŞ-li Respublikaçı siyasətçi Valentina Qomez, əlindəki alovatanla Quran yandırdığı bir video yayımlayıb.
Seçki kampaniyası çərçivəsində sosial şəbəkələrdə paylaşdığı görüntülərdə Qomez, “İslamı tezliklə dayandırmaq lazımdır” iddiasını irəli sürüb. Nifrət dolu ifadələrini bir-bir səsləndirən Qomez, “Müsəlmanlar 57 müsəlman ölkəsindən birinə rədd olub gedə bilərlər. Tanrının köməyi ilə Texasda İslama son verəcəyəm” deyib.
Videoda Qomez, “Yeganə həqiqi Tanrı var, o da İsrailin Tanrısıdır” deyərək Quranı yandırmağa davam edib. Sonda isə yandırılmış Quranın yanında şəkil çəkdirərək videoya son verib.
Videoda səsləndirdiyi nifrət dolu sözlər ifrat sağ qruplar tərəfindən dəstəklənsə də, sosial mediada geniş kəsimlərdən sərt reaksiya alıb.
İstifadəçilər Qomezin açıqlamalarını açıq İslamofobiya və nifrət cinayəti kimi qiymətləndiriblər.
Bu çıxış, təkcə miqrant əleyhinə kampaniya dili deyil, həm də bir dini tamamilə qadağan etməyi müdafiə edən radikal nifrət ritorikası kimi qınanıb.
