Avropa Şurasının Baş katibi Alen Berse Ermənistan və Azərbaycan arasında sülh sazişinin imzalanmasını dəstəklədiyini bildirib və bu istiqamətdə konkret və ardıcıl addımların atılmasının zəruri olduğunu vurğulayıb.
Teleqraf xəbər verir ki, o, bu fikirləri Avropa Şurası Parlament Assambleyasının iclasında çıxışı zamanı səsləndirib.
“Regionda sülhün və sabitliyin bərqərar olması üçün Ermənistan və Azərbaycan arasında sülh sazişinə nail olmaq vacibdir. Bu ölkələrin rəhbərliyi və vətəndaş cəmiyyəti ilə sıx təmasdayam. Səfərlərim zamanı daima cəmiyyətin müxtəlif təbəqələri ilə görüşməyə xüsusi önəm verirəm”.
Alen Berse qeyd edib ki, Avropa Şurası bölgədə sülh təşəbbüslərinə dəstək verməyə hazırdır: “Hazırda əsas məsələ sülh prosesinin irəliləməsidir. Mən bu yolda göstərilən bütün səyləri dəstəkləyirəm və bu məsələdə üzərimə düşən rolu oynamağa hazıram”.
