Terrorsuz Türkiyə prosesi çərçivəsində gərgin bir mərhələyə keçilir. Terror təşkilatı PKK-nın gələn həftə silahı yerə qoyması gözlənilir.
Sherg.az xəbər verir ki, kritik mərhələdə təmas trafiqi də artıb, DEM Partiya heyəti bu gün İmralıya gedib.
Terror təşkilatı PKK-nın başçısı Abdullah Öcalanla görüşəcək heyətdə DEM Partiya Van Millət vəkili Pərvin Buldan, DEM Partiya Şanlıurfa Millət vəkili Mithat Sancar və vəkil Faik Erol yer alır.
Görüşdə gələn həftə başlanması gözlənilən silah buraxma prosesinin müzakirə edildiyi bildirilir.
Həftənin əvvəlində Türkiyə Prezidenti Rəcəb Tayyib Ərdoğan da DEM Partiya İmralı Heyətini Beştəpədə qəbul edəcək.
DEM heyətinin CHP Başqanı Özgür Özel və MHP Başqanı Dövlət Baxçalını da ziyarət etməsi gözlənilir.
