"Azərbaycanda rəhbərlik keyfiyyəti yüksək olan gənclər var. Dövlət də həmin gənclərin regional işlərə qatılmasına imkan yaradır".
Teleqraf-ın Ağdama ezam olunmuş əməkdaşı xəbər verir ki, İslam Əməkdaşlıq Təşkilatının baş katibi Əhməd Məcid Xan Prezident İlham Əliyevin təşəbbüsü ilə ilk dəfə İqtisadi Əməkdaşlıq Təşkilatı Həftəsi çərçivəsində Ağdamda keçirilən Gənclər Forumunda deyib.
O qeyd edib ki, bölgəni inteqrasiya mərkəzinə çevirmək hədəfdir:
"Təşkilatımız regiona aid olan dövlətlərdə inkişafda rol oynayır. Regionumuzun gələcəyini birgə formalaşdırmalıyıq. Gənclərin bura qoşulması işimizi daha da asanlaşdıracaq".
O həmçinin bildirib ki, Qarabağ Universitetinin rektorunun təklifləri əsasında üzv ölkələr arasında tələbə mübadiləsi baş tuta bilər: "Regionun müxtəlif ölkələrindən tələbələrin oxumaq üçün Xankəndinə gəlməsi vacibdir".
Daha sonra İƏT-in baş katib Qarabağ Universitetinin rektoru ilə görüşüb və fikir mübadiləsi aparıb.
