Ötən gecə Tuncelinin Güleç kəndində heyvanlarını bəsləmək üçün evinin yaxınlığındakı tövləyə gedən Hikmət Tokmak qonşusunun olduğunu iddia etdiyi 7 itin hücumuna məruz qalıb.
Vəziyyəti görən kənd sakinlərinin köməyi ilə itlərin əlindən xilas edilən Tokmak ayağından, qolundan, kürəyindən və üzündən xəsarət alıb.
Sherg.az xəbər verir ki, Tokmak kəndlilərin köməkliyi ilə Tunceli Dövlət Xəstəxanasına aparılıb. Tokmak əməliyyat olunub və bədəninə 50-yə yaxın tikiş qoyulub.
Uzun müddətdir it hücumlarına məruz qaldığını deyən Hikmət Tokmak deyib: "Evə gedərkən onlardan biri üstümə hürdü, sonra 7 itin hamısı mənə hücum etdi. Yerə yıxıldım, hər yerimi didik-didik etdilər".
