Suriyada ən böyük təhlükə İsrail ekspansionizminin bölgədə irəliləməsidir.
Axar.az xəbər verir ki, bu barədə Türkiyə XİN rəhbəri Hakan Fidan bildirib.
“Bu amerikalılarla qaldırdığımız ən mühüm məsələdir. İsrail bundan əl çəkməlidir. Biz bununla bir qədər məşğuluq. Bu hal Misir, İordaniya və Livanda da baş verdi. Bizdən çox uzaqda olduğundan məsələyə strateji yanaşırdıq. Lakin Suriya məsələsi bizim əsas təhlükəsizlik məsələmizdir. Orada baş verənlərin hamısı bizim ərazi bütövlüyümüzlə, vətəndaşlarımızın canı və qanı ilə bağlıdır. Buradakı mesajımız çox aydındır.
Qonşu ölkələri zəif və parçalanmış vəziyyətdə saxlamaqla, başqalarının zəifliyi ilə təhlükəsizlik yaratmaq çox təhlükəli strategiyadır”, - deyə Fidan qeyd edib.
