Naməlum şəxslər Berlinin Moabit rayonunda deportasiyaya məruz qalmış yəhudilərin xatirəsinə ucaldılmış abidəni təhqir ediblər.
Axar.az xəbər verir ki, bu barədə Berlin polisinin məlumatında deyilir.
Bildirilib ki, hüquq-mühafizə orqanlarının əməkdaşları avqustun 3-də səhər saatlarında memorialın üzərində ağ boya və qablaşdırma lentinin izlərini aşkar ediblər.
"Zərər polis tərəfindən operativ şəkildə aradan qaldırılıb", - məlumatda deyilir.
İstintaq Dövlət Təhlükəsizliyi İdarəsi tərəfindən aparılır.
Qeyd edək ki, abidə 1942-ci ilin yanvarından nasistlərin 32 mindən çox yəhudini konsentrasiya düşərgələrinə göndərdiyi Moabit yük stansiyası üzərindəki körpünün üzərində yerləşir.
