Əfqanıstanın şimal-qərbində yerləşən Herat şəhərində radikal Taliban hərəkatının birləşmələri ilə silahlı qruplar arasında şiddətli toqquşmalar baş verib.
APA bildirir ki, bu barədə “Sky News Arabia” telekanalı məlumat yayıb.
Məlumata görə, Heratda “Taliban” və silahlı qruplar arasında “ağır silahların tətbiqi ilə şiddətli toqquşmalar” qeydə alınıb.
Heratda Talibanla qarşıdurmaya hansı silahlı birləşmələrin cəlb edildiyi barədə məlumat verilmir.
Ölkədə hakimiyyətə gələn Talibandan da Heratdakı vəziyyətlə bağlı hələ ki, şərh yoxdur.
