Vanın Erciş rayonunda işlədikləri kafenin qarşısında özlərinə məxsus yüngül kommersiya avtomobilində oturan Musa Demir və qardaşı Mehmet Demir silahlı hücuma məruz qalıblar.
Sherg.az xəbər verir ki, hadisə yerinə avtomobillə gələn silahlı şəxslər atəş açdıqdan sonra eyni avtomobillə qaçıblar. Hücum nəticəsində Musa Demir hadisə yerində dünyasını dəyişib, qardaşı Mehmet Demir isə ağır yaralanıb.
Ağır yaralı Mehmet Demir hadisə yerinə çağırılan təcili tibbi yardım briqadası tərəfindən dövlət xəstəxanasına çatdırılıb. Lakin həkimlərin bütün müdaxiləsinə baxmayaraq, onun da həyatını xilas etmək mümkün olmayıb.
Hadisə ilə bağlı istintaq başladılıb.
