Türkiyənin Mersin şəhərində lift faciəsi baş verib.
Sherg.az xəbər verir ki, hadisə səhər saatlarında Tarsus rayonunun Altaylılar məhəlləsindəki bir binada qeydə alınıb.
Bələdiyyə işçisi Pelin Kıyga (27) işə getmək üçün evdən çıxdıqdan sonra 7-ci mərtəbədə mindiyi liftin kəndiri qopub. Kıyganın olduğu kabin yerə çırpılıb.
Binada yaşayanların məlumatı üzərinə hadisə yerinə təcili yardım və yanğınsöndürmə briqadaları cəlb olunub.
Kabindən ağır yaralı çıxarılan Pelin Kıyga təcili yardım maşını ilə xəstəxanaya aparılıb. Burada müalicəyə alınsa da, həkimlərin müdaxiləsinə baxmayaraq, xilas edilə bilməyib.
Evli və 1 uşaq anası olan Pelin Kıyganın cansız bədəni tibbi ekspertiza üçün morqa aparılıb.
